Unang Pamumulaklak ng Talungon (Parrot's Beak)

-

 Ngayong araw ay nakarating sa akin ang balita na namumulaklak na ang Talungon o Parrot's Beak.  Ang Talungon (Gmelina philippensis) ay isang native na punongkahoy sa Pilipinas na tumutubo bilang palumpong (shrub) o maliit na puno. Kasalukuyan itong itinuturing na isang magandang ornamental plant na umaabot ang taas mula 3 hanggang 8 metro. Meron din itong mga tinik at kaya ito tinawag na Parrot's Beak ay dahil sa hugis ng mga dilaw nitong bulaklak. 

Nakumpirma ko na Talungon ito sa tulong ng Visayas Native Tree Enthusiasts, isang grupo sa Facebook na layuning palaganapin ang kamalayan ng mga tao sa mga katutubong punongkahoy ng Pilipinas. 




Isa ang Talungon sa itinuturing na Vulnerable Species ng Department of Environment and Natural Resources batay sa inilabas nitong Administrative Order noong 2017 (DENR Administrative Order No. 2017-11).

Ang mga halaman na nasa kategoryang Vulnerable Species ay hindi pa kritikal na nanganganib o lubos na nanganganib subalit may posibilidad na mapabilang sa kategoryang nanganganib sa hinaharap. 


Mabilis lamang patubuin ang Talungon. Sinasabing ang pamumulaklak ng Talungon ay mula Abril hanggang Hulyo pero base sa obserbasyon at karanasan namin sa pagpapatubo nito sa Malungon, Sarangani. Ito ay nag-uumpisa ng Marso. Amin na lamang aabangan kung hanggang kailan matatapos ang pamumulaklak nito. 

Ayon sa isang pag-aaral, ang leaf extract ng Talungon ay mayroong antibacterial at antioxidant properties. 

Hindi kilala na nakalalason ang Talungon sa mga alagang hayop o tao pero mainam pa rin ang pag-iingat para maiwasan ang mga hindi sinasadyang pagkain nito. 

Para sa wastong pagtatanim at pangangalaga ng Talungon, maaaring puntahan ang link na ito: How to Grow Gmelina Philippensis.










Comments

Post a Comment

Popular posts from this blog

Mga batas na may kaugnayan sa pagsasaka

-
  Republic Act No. 11511 (An Act Amending R.A. No. 10068 or the Organic Agriculture Act of 2010) [1] Republic Act No. 11524 (Coconut Farmers and Industry Trust Fund Act) [1] Republic Act No. 11321 (Sagip Saka Act) [1] Republic Act No. 11291 (Magna Carta for the Poor) [1] Republic Act No. 11203 (Rice Tariffication Law) [1] Republic Act No. 10915 (Philippine Agricultural and Biosystems Engineering Act of 2016) [1] Republic Act No. 10601 (Agricultural and Fisheries Mechanization Law) [1] Republic Act No. 10068 (Organic Agriculture Act of 2010)  (April 6, 2010) [1]               Mga kaugnay na kaalaman at sanggunian: Implementing Rules and Regulations of Republic Act No. 10068   Philippine National Standard for Organic Agriculture Executive Order No. 481 (December 27, 2005) National Organic Agriculture Board National Organic Agriculture Program Bureau of Agriculture and Fisheries Standards Bureau of Agricultural Research Code of...
Read more

Madre de Agua

-
  Scientific name: Trichantera gigantea Iba pang pangalan: Nacedero Ang mga dahon ng Madre de Agua ay tradisyonal na ginagamit na pagkain para sa mga baboy at kuneho. [1] Mas kaaya-aya sa panlasa ng mga baboy at kuneho ang Madre de Agua. [6] Maaaring ipakain ang sariwa o pinatuyong dahon ng Madre de Agua [6] Maaari ring ipakain ang Madre de Agua sa mga pato, inahing manok, pugo, baka, kalabaw, tupa at kambing. [3] Ang Madre de Agua ay mahalagang pambakod (live fence) na nagbibigay ng lilim at pagkain. [1] Ito ay maaaring itanim sa paligid ng mga bukal, tabing ilog at balon upang pigilan ang pagguho ng lupa. [1] Mas mainam sa Madre de Agua ang mga lugar kung saan may mataas na temperatura na umaabot sa 30°C at taunang pag-ulan na nasa1500 mm hanggang 3000 mm. [1] Mainam din ang pagtubo nito sa lupa na may pH na 4.5 gayon din sa hindi gaanong mataba pero well-drained na lupa. [6] Mas produktibo ang tanim na ito sa malilim kaysa mas naaarawan na lugar at tumutubo ng mas mabuti sa...
Read more

Malunggay

-
  Scientific Name: Moringa oleifera Iba pang pangalan: Kalamunggay [3] Maganda ang tubo ng malunggay sa mga lugar na may temperaturang 25 hanggang 30 o C. [1] Ito ay tumutubo kahit sa mga lugar na laging nasisikatan ng araw. [1] Mas maganda ang tubo ng malunggay sa mga lugar na ang taunang ulan (annual rainfall) ay 1000-2000 mm. [1] Maaaring mabuhay ang malunggay sa lugar na may kakapusan sa tubig o pag-ulan at tagtuyot (“drought tolerant”) subalit maaaring mabawasan ang pagdadahon nito (foliage production). [1] Maaaring ipakain ang mga dahon sa alagang baboy, poultry tulad ng gansa, manok, pabo o pato/itik, at isda  pero limitado lang dapat dahil mayroon itong fiber at antinutritional factors . [1] Ang anti-nutritional factors na nasa mga dahon ng malunggay ay maaaring mabawasan sa tamang pagproseso sa pamamagitan ng pagpapakulo sa mainit na tubig para tanggalin ang mga ito. (aqueous extraction). [4] Dapat iwasan na masobrahan ng tubig ang ugat ng malunggay upang maiwasa...
Read more